Interlude

و انا عمري خمسة عشر سنة
طحت في الانترنت على شاعر اسمه
بديوي الوقداني
الشاعر هذا ميت من
١٦٠ سنة الله يرحمه
و لما قريت قصايده
حسيت بالحكمة
و حسيت بالمفردات اللي يقولها
و كان شاعر يعني يميل
انه يكتب بالحكمة أكثر
في وحدة من ابياته
"أيامنا والليالي كم نعاتبها
شبنا وشابت وعفنا بعض الاحوالي
توعد مواعيد والجاهل مكذبها
واللي عرف حدها من همها سالي"
الشعر لامسني جدا
القافية بصفة عامة متواجدة في حياتي
من يوم و انا صغير
يعني جدتي أم أمي
عائشة الله يرحمها
كانت تلعب معانا زمان و احنا صغار
تغني أشياء على القافية
تقول
"يا زيد زوجوه
مؤيد و تركوه
وليد و خلوه"
ارتجال جميل
كان يلامسني وقتها جدا
بعدين كونت علاقة وطيدة مع جدّي
عايض الله يرحمه
هو رجال بدّوي محب للأدب
و الشعّر النمطي
يحفظ قصايد كثير
و معاه
رحت في رحلة حقت شعّر
كان كل ما اروح اقابله
او اجلس معاه
يقولي قصايد
و يتوقع اني احفظها علا طول
طبعا كنت اتعب
بس كنت أغش
كنت اشغل جوالي
و اسجل القصايد اللي يقولها
اكتشفت انه معنى الشعر
عند العرب
هو الكلام المقفى
بوزن معنى كلمة "راب" هيا
Rhythm and Poetry
اللي هوا
اللحن و الشعّر
او الكلام المقفى