He Lei Aloha (No Hilo)

Hīhīmanu Hilo i ku'u pua
I ka pua loke kau i ka 'ōnohi
Hia'ai ka mana'o i ke kiu
Ka makani hiwahiwa o ka 'āina

Hīhīmanu Hilo i ku'u pua
I ka pua loke kau i ka 'ōnohi
Hia'ai ka mana'o i ke kiu
Ka makani hiwahiwa o ka 'āina

Pūlamahia ka huahekili
I pili i ka poli a hemo'ole
E 'ole ou malu lani lā ē
'A'ohe anu, 'a'ohe mā'e'ele

Ua pakele mai kahaone
I ka popo'i mai o nā nalu
'A'ole nō e paulilo ana
I ke a'a kūpa'a o ka 'āina

Ua pakele mai kahaone
I ka popo'i mai o nā nalu
'A'ole nō e paulilo ana
I ke a'a kūpa'a o ka 'āina

Pūlamahia ka huahekili
I pili i ka poli a hemo'ole
E 'ole ou malu lani lā ē
'A'ohe anu, 'a'ohe mā'e'ele

Hā'ina ka puana a'i lohe 'ia
Kou inoa hanohano (kau) i ka 'iu
'Iu'iu kūlana o ia pua
'O Naupaka nō i ka wēkiu

Hā'ina ka puana a'i lohe 'ia
Kou inoa hanohano (kau) i ka 'iu
'Iu'iu kūlana o ia pua
'O Naupaka nō i ka wēkiu

Pūlamahia ka huahekili
I pili i ka poli a hemo'ole
E 'ole ou malu lani lā ē
'A'ohe anu, 'a'ohe mā'e'ele