A tirannia (Canto di dolore)

Ccà sutta nta stu nfernu puvireddi
Ah, nui simu cunnannati a tirannia!

Ca nmucca di li lupi su l'agneddi
Ah, chiancitinni, chianciti, oh mamma mia!

La tirannia li carcagna ncarca
Ah, l'abusu e lu putiri strica e curca!

Ca ogni nazioni ca sta terra sbarca
Si diverti cu nui sempri a la turca

Sempri lu riccu nfrunti nni rincarca
A biviri ni tocca amara urca

E si accussì nni secuta la varca
Ah, megliu ca ni nni jssimu a la furca!