Agar Na Zohra-Jabiinone Ke (Vinod Sehgal)

Agar Na Zohra Jabeenon: Jigar Moradabadi
Agar Na Zohra Jabeenon...
By Jigar Moradabadi.

Agar na zohra jabeenon ke darmiyaan guzre
To phir ye kaise kate zindagi kahaan guzre [1]

Mujhe ye waham raha muddaton ke jurrat-e-shauq
Kahin na khaatir-e-maasoom par geraan guzre [2]

Khata muaaf, zamaane se badgumaan ho kar
Teri wafaa pe bhi kya kya humein gumaan guzre [3]

Junoon ke sakht maraahil bhi teri yaad ke saath
Haseen haseen nazar aaye, jawaan jawaan guzre [4]

Mujhe tha shikwa-e-hijraan, ke ye hua mahsoos -
Mere qareeb se hokar wo naagahaan guzre [5]

Bohot azeez hain mujhko unhi ki yaad Jigar
Wo haadasaat-e-mohabbat jo naagahaan guzre [6]