Caravan Guzar Gaya

[00:28.81] Swapn jhare phool se, meet chubhe shool se
[00:36.33] Lut gaye singaar sabhi baag ke babool se
[00:43.27] Aur hum khade-khade bahaar dekhte rahe
[00:49.96] Karwaan guzar gaya, ghubaar dekhte rahe
[01:06.97] Neend bhi khuli na thi ke, haaye, dhoop dhal gayi
[01:13.42] Paon jab talak uthe ke zindagi phisal gayi
[01:20.05] Paat-paat jhar gaye ke shaakh-shaakh jal gayi
[01:26.62] Chaah toh nikal saki na, par umar nikal gayi
[01:33.27] Par umar nikal gayi
[01:40.01] Geet ashk ban gaye, swapn ho dafan gaye
[01:47.16] Saath ke sabhi diye dhuaan pehan-pehan gaye
[01:53.99] Aur hum jhuke-jhuke, mod par ruke-ruke
[02:00.54] Umr ke chadhaav ka utaar dekhte rahe
[02:17.30] Kya shabaab tha ke phool-phool pyaar kar utha
[02:23.86] Kya kamaal tha ke dekh aaina sihar utha
[02:30.46] Iss taraf zameen aur aasmaan udhar utha
[02:36.91] Thaam kar jigar utha ke jo mila nazar utha
[02:43.38] Ke jo mila nazar utha
[02:50.28] Ek din magar yahaan aisi kuch hawa chali
[02:57.10] Loot gayi kali-kali ke ghut gayi gali-gali
[03:03.72] Aur hum loote-loote, waqt se pite-pite
[03:10.31] Saans ki sharaab ka khumaar dekhte rahe
[03:16.92] Karwaan guzar gaya, ghubaar dekhte rahe
[03:36.79] Haath the mile ke zulf chaand ki sanwaar doon
[03:43.27] Honth the khule ke har bahaar ko pukaar doon
[03:49.73] Dard tha diya gaya ke har dukhi ko pyaar doon
[03:56.24] Aur saans yoon ke swarg bhoomi par utaar doon
[04:02.75] Bhoomi par utaar doon
[04:09.30] Ho saka na kuch, magar shaam ban gayi seher
[04:16.21] Woh uthi lehar ke dheh gaye qile bikhar-bikhar
[04:22.84] Aur hum dare-dare, neer nayan mein bhare
[04:29.00] Odh kar kafan pade, mazaar dekhte rahe
[04:48.85] Maang bhar chali ke ek jab nayi-nayi kiran
[04:55.22] Dholakein dhunak uthi, thumak uthe charan-charan
[05:01.68] Shor mach gaya ke, lo, chali dulhan, chali dulhan
[05:08.02] Gaon sab umad pada, behak uthe nayan-nayan
[05:14.44] Behak uthe nayan-nayan
[05:21.23] Par tabhi zeher-bhari gaaj ek woh giri
[05:28.04] Punchh gaya sindoor, taar-taar huyi chunari
[05:34.71] Aur hum anjaan se, door ke makaan se
[05:41.15] Paalki liye huye kahaar dekhte rahe
[05:47.69] Karwaan guzar gaya, ghubaar dekhte rahe
[05:54.11] Swapn jhare phool se, meet chubhe shool se
[06:00.68] Lut gaye singaar sabhi baag ke babool se
[06:07.19] Aur hum khade-khade bahaar dekhte rahe
[06:13.56] Karwaan guzar gaya, ghubaar dekhte rahe
[06:19.95] Karwaan guzar gaya, ghubaar dekhte rahe
[06:27.10]