Mehtar Ya Nass

محتار يا ناس في دي الغرام
بين الرضا وبين الخصام
محتار يا ناس

يغضب أقول صعبان عليه
وانا حياتي بين ايديه
يا ناس قولولي أعمل ايه
بين الرضا وبين الخصام
محتار يا ناس

يهجر أقول هجره دلال
ويطول أخاف ليكون ملال
يا ناس شوفولي في حبي حال
بين الرضا وبين الخصام
محتار يا ناس

وان شفت يوم منه الصدود
أغضب وأقول خليك بعيد
البعد ده يمكن يفيد
بين الرضا وبين الخصام
محتار يا ناس

إن كان وفي يرعى الوداد
ويحن لك بعــد البعاد
احترت واحتار الفؤاد
بين الرضا وبين الخصام
محتار ياناس

محتار يا ناس في دي الغـرام
بين الرضا وبين الخصام
محتار يا ناس