مش بعيد

رسالة، حروف يومي بستناها
ابتسامة، نفسي تملى يومي ياما
دنيا قلابة، نفسي تهدى علينا
مفيش إجابة، وانا اسألتي كتيرة ياما
بس مهما كنت بعيد
انا هفضل وراك اكيد
ومهما قولت مستحيل
انا في يوم هوصلك اكيد.
ابيض في اسود قلبي ملوش ملامح
لو رسايلنا خلصت هفضل في الصورة سارح
كفاية كلام عن بكرة، كفاية كلام عن امبارح
انا مؤمن وعارف ان الموضوع دمه تقيل
وان الحياة عادلة انها مش عادلة لحد بالتحديد
بس مهما كنت بعيد،
انا هفضل وراك اكيد
ومهما قولت مستحيل
انا في يوم هوصلك اكيد.