Veli

Kilé Véli Kilé mon zétwal
Pou kélèr bondyé
Kilé lanbéli mi dépal
Mi giny pi rouver mon zyé
Na sapan dan somin
Sa mon paké lé lour
Fanm kalbéliya fanm dofé
Flanm dann jaipur
Vénin dann vinn mon vi
Y vyin an vénin lamour

Poungi dafli katimani dann pyé
Po damdam la tèr
Sari lanm pounzabi i tourbouyonn
I fé tranm mon lardèr
Mon lam i kri tir
Mi kri lassasin sékour
Na in boubou i lans an silans po li
Dann mon kèr tanbour
Po giny gou la vi mi mélanz
La pinn ek lamour

Gèt èk lo zyé fini èk lo kèr
I fé mont out santiman
La di plik i yinm an kasyèt
Sé plik na lo gou piman
Épi na in patwa i di
"i apèl domin na in zour"
Ou la kado la tèr in zyé dou
Kri p'ali rotour
Ariv la sézon
Wa koup karo kann lamour

Ma pran karinm ma mèt mon vesti
Mon rob kominyon
Ma arfé batinm ma kas mon tinga
Ma port mon karlon
Sak i tir lésans zèrnyonm roza
Pa pèr lo four
La kok lé vid in moun son vi
Li viv an vélour
Mwin la anmar kap po mwin kraz
Brèz roz lamour