Hansi Der Boxer

Es is a Wahnsinn normal wos der Hund ois erlebt hot.
Is jo orm aufgwochsn, mia hom jo nix ghobt.
Mit 12 scho tschechert, dauernd Brösln ghobt, owa Boxen hot der kennan wia a junger Gott.
Bist deppat, der Rechte von dem wor ka Bemmerl, de in deim Gsicht hot krocht wia a Kaisersemmal.
Der hot mit ana Leidenschaft boxt, sowos findst heit nimma, de Waserl vo heite plärrn bei jedem Wimmerl.
Jo i hob eam hoid kennt, worn vü unterwegs, wir hom imma gsogt "du gehst dein Weg".
Loss die Ketscherei auf da Strossn stöll die in Ring, sonst gehst auf Schmolz, des mocht kan Sinn.
Jo des hot er gmocht und wos is aus eam wurdn?
An trainer hob i eam checkt, i kenn da an gaunz an guadn.
Jo wos glaubst?
Des hot daumols Wölln gschlogn, do hom sie olle drum grissn homs im Fernsehn übatrogn.
Stadthalle ausverkauft, ka Schas mit Quastln, net so wia die heitign Kasperln.
Jo hot er boxt gegn den Deitschn, wie hotn der ghassn?
Jetz foits ma net ei.
Erika wie hotn der deitsche Boxer ghassn?
Jetz wort amol, wos mit of, Rudolf hot er ghassn.
A jo genau.
Auf jeden Foll hot ea miassn um an Europatitel boxn, "
Hansi" hob i gsogt "den wirst a no dapockn"
Und wirkli woahr geht der in den Ring, boxt gegen den Hänker und gwinnt!
I man der wor 20 daumols, na i sogs nur dazua, steigt den Hund zuwi, losst eam ka ruah.
Gibt dem deitschn Bauer koit-worm, steht guad in da Deckung a grode noch vuan.
An rechtn Hockn, an linken noch, aun am guaden Tog hätt der an jeden Meier gmocht (na technisch wor er.)
Sicha woa ma stolz dass er in Gürtel gholz hot, woa a leiwande Zeit, des föht uns jetz holt.
Na wos glaubst, wir hom tschechert die gaunze Nocht, wor jo wos bsonders, wor a muaz Drum Tam Tam.
Olle hom glocht, da Hansi hot brennt, a gaude hot si der gmocht, do hot er nix kennt.