Forever You Said

تخيلني قاعد في أوضة ومتكتف
مليانة شخبطة عن طفل بيتأسف
الإضاءة خافتة مفيش أي مهندس
الحاجات دي مقتل، ماما مش وقتك
بلاش تخشي جوا عقلي أنا بحاول
بلاش تزعقي عشان خاطري، أنا آسف
بلاش تقوليلي إني فاشل، أنا عارف
مش هنام وأنا واقف كنت بس بتاوب
كنت بس بتحارب، أو آسف أنا ألدغ
الناس دي بتحاول تقتلني بغبائها
كل مرة بتكلم بحس إني مادة للسف
الحاجات دي مش سهلة
الحاجات دي في المتحف بتخليني عظيم
بس في العالم دا لا، بتخليني مفيش
لأن في دماغي في لافتة، بتقولي إنت مين
ومش طبيعي كل مسأل الإجابة بتزيد إسم
حاسس إني بسيح، نفسي أبيد جسمي
محبوس جوا كيس شيبسي، شئ نسبي
مفيش ليتس بي، عشان هكون، أنا
هموت وأسيب كتفي، يعبدوه وثن
وسط الطوب جبل، دا جزء بس
وسط هدوء النفس، في جوست مسخ
بيبصلي بعيون، جوا مني سهم
قالي هما فاسدين عشان حسن النسخ
عشان بطء الوقت هحاول أنجزك
فا حط اللحم قدامي هثبتلك
إن الظلم سهل، والحياة بنت وسخة
ومش هتفك النحس الا لو بقيت كده
آسف كان لازم أصدمك
فاشل، بس مش هقتلك
التعليم بيإذيك وإنت في صيدلة
متضحكش عليهم، دي مش موهبة
شوفت إزاي، كلنا بنغلط
من جوا عقلي إتنين وإنت لسه بتسقط
أنا ممكن أخليك تعيط دلوقتي
لو إتكلمت شوية عن شكل جسمك
عن نفسي لسه، مش حابب أذيك
بفهمك بس الدنيا ماشية إزاي
هخبي إسمك، قولهم موسى
وملكش دعوة سيبني أتكلم في اللي جاي
بس، مش خايف من حاجة
الناس مش بتموت من نفسها
الكاش مش بيقول هننام ساعة
الفاس نفسه يدوق طعم دماغك
الناب مش هيدوب من أمثالك
اليوم كان طويل، بس مش أطول من بالي
العالم حلو وجميل وكده، طول ما إحنا في دماغي
طول ما إحنا ثواني، بنعدي ومفيش أي منطق
ثواني وهكون بعيط بس هعملهالك على شكل مامبل
بص في عينيا هتلاقي بياض، بس جوايا اسود
قولتلهم إن إحنا عايشين في السما، قالولي إثبت
قالولي إمسك الموس دا وقطع، جايز تفضل متلزق
حسيت إن أنا محتاج إني أبطل، بس مين هيصدق؟
العلامات دي، جوا جسمي بتعلم
بتخليني مش خايف أتألم
بتدفيني لو جسمي بيتلج
بحس بالطاقة، أنا جسمي بيتجدد
ولسه بستحمل بس مش لازم أكون ملاك
قدام الناس أنا ساكت بس بقول كلام
طول حياتي وأنا خايف وبتوه عشان
طفل هادي منبوذ وملوش مكان
ملعون أمان الناس دي
لو مخزون سواد في دماغي
مطلوب إني أكون جبان بالتالي
الخوف بيكون إنسان بشيب تاني
وبيبص في عينيا ولساني واقف
بعيط في الحمام بس لساني سافج
بشد مواس، فا حسناتي زادت
بتف كلام عشان أفضل عايش
بائس، مش شايف العالم حلو
دا صحبي للأسف مش سابق سنه
كلهم بيقولو إن هما شياطين
وهو في هدوءه، الشيطان جوا منه
بس هو بيخاف يقول
هو بوقه مقفول عشان نام مقتول
بيضحك على طول وبلاش فضول
تسمعها عشان كان مات مشنوق
أسف بهزر معاك، مماتش مشنوق ولا حاجة
بس كان عايز يكون إنسان، لقى نفسه شماعة
الناس دي كلها بتقوله إنت السبب، لقى نفسه بلاعة
كله بيسيب زبالته جواه بعدين يطلب منه ينساها
إزاي؟ مش فاهم بس لازم يتعود
مش لازم يجود ويحس بالعظمة
لازم يدود، الناس مش بتموت
الناس دي بتكون جواك كذا شخص
وكل مايزيدوا، بيزيد غضب
كل اللي في إيده مفيش، صنم
جزء في صويته ماليه الصدى
عشان كده بيسمع نفسه وحزين طبعا
للأسف حياتي ملخبطة
متضحكش عليا لأخبطك
جوا عقلي مفيش إلا مخاط فقط
عشان كده مسحول ومش عارف أطلع
تخيلني قاعد في مكان فاضي
عقلي بيبوظ السواد طاغي
الثواب صافي لو نجيت من كده
الزوال ماضي بس في كثف سواد
باقية جوايا، ومفيش
حد فوق ينقذني من الفيل
في عقلي صوت بيقولي إلغيه
قالي هو الأوه، وأنا الڤي
بحاول أتغلب على العجز بده
بحاول أتكلم فا بكتبلك
أنا طفل، وشيطان، وكهل بدقن
كنتي أحلام دفنتك
فا مش هحتاج إني أتكلم هحتاج أغني
مش هحتاج إني أحتاج لإني مش محتاجني
هحتاج بس أنام عشان أحلم بنفسي
وأنا ملك بحكم كل الناس جوا عقلي