Lakto kaj miel'

Mi ne imagis ke riĉeco
Tiel mizere aspektas
Kaj kiom kreskas malaprezo
Kiam ĉio perfektas

Kaj en la koron gutas
Veneno de la havem'
Kaj la muziko mutas

Mi ne vivas tie ĉi
Mi nun ekzistas
Mi ne vivas tie ĉi
Mi nun ekzistas

Sed mi ekvivas en la paŭzoj
Kaj en la interspacoj
Mi forgesas pri la naŭzo
Malantaŭ brilaj surfacoj

Subita vent' forŝiras
La trudkitelon de mia kor'
Kaj miaj pulmoj spiras

Mi ne vivas tie ĉi
Mi nun ekzistas
Mi ne vivas tie ĉi
Mi nun ekzistas

Sed ne faras diferencon ĉiom ajn da pent' kaj plor'
La pont' malkonstruiĝis kaj la ŝanco estas for
Ŝajnas esti la infero kvankam estu la ĉiel'
Kaj mi malrapide dronas en la lakto kaj miel'

Mi ne vivas tie ĉi
Mi nun ekzistas
Mi ne vivas tie ĉi
Mi nun ekzistas

Mi ne vivas tie ĉi
Mi nun ekzistas
Mi ne vivas tie ĉi
Mi nun ekzistas