Pōkaia Rā te Marama

Pōkaia rā te marama
E taupō ai te mata o te whenua
Whakarehu i ahau ē
Kauawhiawhi ki te kiri makau kē

Hihiri, hihiri, engia, ko te tau tēnei ka ora

E ua mai e te ua tarariki
E haehae te rau peke nō te matangi
E rere rā te kupu whakapaki hau
Kia korou ake rā, kia whanō ai au

Me tākai noa te pūtahi
Me whakapakari ki te kawariki
E wawae he mahora nui
Te one takutai roa nō Hawaiki

Hihiri, hihiri, engia, ko te tau tēnei ka ora

E ua mai e te ua tarariki
E haehae te rau peke nō te matangi
E rere rā te kupu whakapaki hau
Kia korou ake rā, kia whanō ai i au