Panata sa Puso

Pusong mahal, ang pintig Mo ay tawag ng pag-ibig
Banayad Mong bulong sa 'kin ay kay gandang himig
Sa 'Yong bulong, aking puso'y sadyang naakit
Ngunit aking sala ay 'Yong pasakit

Ganu'n pa man, mananalig ako sa 'Yong habag
Nawa'y Iyong kalingain itong punlang tawag
'Di man ako handang lubos ako'y manunumpa
Puso Mong kasabay magtataya

Kahit nangangamba
Sa 'Yo ay mag-alay
Batid ko rin naman
Ikaw ang buhay
Kaya ako ngayo'y manunumpa
Ako sa iyo, habang-buhay

Kahit nangangamba
Sa 'Yo ay mag-alay
Batid ko rin naman
Ikaw ang buhay
Kaya ako ngayo'y manunumpa
Ako sa iyo, habang-buhay