Hollywood Was Talking About Love Before Anyone Else Did

zeue d'minute vo däm drü täg nid zrüggschribe
kenn di games z'guet, würd's nä säge weni's nüm lide
gnue lang ir stadt schöne froue nachegsecklet
um easy z'tue weni di gseh öbwou i fasch vrreckä
düte knapp zwöi zyle y vrschidensti richtige
u när si die verschidenste die richtige
bi nid dr typ für die grosse momänte
solang i drby a schlächti fiume mues dänkä
u we d'mi aluegsch u lachisch
de dänki iz wär zyt, doch i maches glych nid
nume längwyler sägä was i nid cha verbärge
drum schwank i zwüsche schwyge und hugh grant wärde
au di huere apps hei mr ds warte verlehrt
zynismus lah mi frei i wär gärn ehrlech
i wet irgendwo dörfe ä stäge ufäloufe
vor tuusig ouge u tosendem aplous
dä momänt, wo nüt pynlech isch
wichtig sy u chönne redä vo liebi
voremne wysse huus mit wyssä gartestüu
und wysse ching usem supercardkatalog – aues tod
wysses lache, müntschi uf backe
wort ohni flügu, zwüsche tür u angle gfange
du weisches cool isches trotz angst vor dr kulisse
gloube ja säuber i bruuch di
rose vrwäuke ir chuchi u guet isch
ig härz di isch lustig, ufem tassli
chlyni routine isch härzig o doch hassi's
i bi kes barbie mit sprachchip
die maschine het ke geist, ke seelä
di fähler woni mache sy di eigetä
u när sy du und ig mir und üs
mys glück verpflichtet mi zu nüt
u doch so vorwurfsvou wy singels isch
niemer