Gizon laztan

Letra: Harkaitz Cano / Musika: Aritz Luzuriaga / Ahotsak: Sorku & Javi Pez
Konponketak: Aritz Luzuriaga, Juanma Urriza, Fredi Pelaez & Mikel Romero

Gizon laztan, gizon bakar
falta dena, harek dakar

Gizon gordin, gizon leun, zu naizen
gizonaren islada: irla izatea
eragozten didana (zara). Badakizu
noiz (ari)(tu) leun, noiz gordin: ez
da berdin, nola jakin? "Hik badakik
noiz leun eta noiz gordin..."

Gizon suhar, gizon eme: gizon
eme-ernea konbinazio ederra da,
(ene!) Biluztasuna ongien janzten
duena (zara). Entzulerik onena,
entzule biluzia (baita); errazago
biluzteko zure aurrean ene bizia,
(hala). Nola egin? "Hik badakik noiz
azal eta noiz mami..."

Gizon laztan, gizon bakar: bost
axola izatea (beste) (gizon) askoren
bakar... "Garaiz hilko gara", diozu
algaraz. Uzta zuk erein, uzta nik bil:
garaiz hil, beti ezberdin... Nola
egin? "Hik badakik noiz hil eta nola
berpiz..."

Gizon handi, gizon txiki: sentitzen duzun
mina ez hartu serioegi... Arrastoak
gauzetan ez, pertsonengan utzi: hitzak
gorde –behar balitz hitzik–, Nola egin?
"Hik badakik, noiz mintza eta noiz isil..."

Gizon laztan, gizon bakar
falta dena, harek dakar