Nor-Nori-Nork

Ez gerturatu gehiegi
Gure itzalek bat egin ez dezaten, zu hor ta ni hemen
Ispilura begira mundua ulertzen, hau da
Ispilura begira mundua suntsitzen, bai

Miopia gure gaitza, izurri berria
Balore erailketa, berekoikeria
Gaur egun ez digu ezerk logura kentzen
Eskerrak gosea ez den kontagiatzen

Halere lotsik ez, etikaz ahoa bete
Ez gara sentitzen arazo honen parte
Sare honetan armiarma ala euli?
Gizon txuria izateak mantentzen nau bizirik

Nor? Ni
Nori? Niri
Nork? Zuk
Argazkirako tori azken apur batzuk
Joko araua ulertzen al duzu?
Ezer eman gabe dena jaso nahi dugu

Geldi dirauenak ez du sentitzen katerik
Ez da perspektiba galtzea baino hoberik
"hotza", "gosea" hitzez soilik ezagutzen
Senti izan dituenak ez du diskurtsorik saltzen