Afsked

Oh Ida, do so intj på mæ*, dæj avten do sku ræes*
Dit blik det fløv frå stæ te stæ*, som æ vajsent blå* i blæs.
Do snakke intj, do suer* mæ knap, på det a jiek å såe*
Oh, da følt a mæ så hilt fortabt, hva tentj* do egnli på?
Dæj avten do sku ræes.

A trovve vi sku ha tjøest* en småel, der ejen tågge kam*
Men så kam dæj lije solbrænt kåel*, å a tøet* do smielt te haem.
Hva ligner det å stå der å smiel, te folk dar går forbitj?
A ku ha slavve ham ihjæl, dæj lijje solbrænt skitj.
Dæj avten do sku ræes.

Do såe godtnok at do intj hae smielt, men a so no hva a so
Å som vi råebt å skændtes, lieg te tågge det sku go.
A stu å tjikke eej på dæ*, da tågge bjøent å tjyer*
A jiek å vinke å folt me', så læeng det lov sæ jøer*.
Dæj avten do sku ræes.

Men do so mæ intj, do hae så travlt me' å sitj dæ siel i ruen*
Te siest så bløv a øvverhåelt, å dæj åller bagest vuen*.
A vinke lidt, så vænt a om, min yvn* var bjønt å svij
For do sku på seminarium, å a sku vær kommi*.
Dæj avten do sku ræes.

*) So intj på mæ = så ikke på mig
*) Ræes = rejse
*) Fløv frå stæ te stæ = fløj fra sted til sted
*) Vajsent blå = vissent blad
*) Suer = så
*) Jiek å såe = gik og sagde
*) Tentj = tænkte
*) Tjøest = kysset
*) Ejen tågge kam = inden toget kom
*) Lije solbrænt kåel = lede solbrændte karl
*) Tøet = syntes
*) Tjikke eej på dæ = kiggede ind på dig (gennem vinduet)
*) Tjyer = køre
*) Jøer = gøre
*) Sitj dæ siel i ruen = se dig selv i ruden
*) Vuen = vogn
*) Yvn = øjne
*) "Kommis" (vendelbomål:
Kommi) er en ældre betegnelse for en
Ekspedient ved en købmand. Købmandsassistent.