Wae’s Me for Prince Charlie

A wee bird cam' tae oor ha' door
He warbled sweet and early
And I the o'ercam' o' his lilt
Was wae's me for Prince Chairlie
Oh when I heard the bonnie, bonnie bird
The tears cam' droppin' rarely
I took my bonnet aff my heid
For weel I lo'd Prince Chairlie

Said I, my bird, my bonnie, bonnie bird
Is that some tale ye borrow?
Or is't some words ye've learnt by rote?
Or a lilt o' dule and sorrow?
Oh no, no, no! The wee bird sang
I've flown sin' morning early
But sick a day o' wind and rain
Oh wae's me for Prince Chairlie

On hills that are by right his ain
He roams, a lonely stranger
On ilka hand he's pressed by want
On ilka side by danger
Yestreen I met him in a glen
My heart near bursted fairly
For sadly changed indeed was he
Oh wae's me for Prince Chairlie

Dark night cam on, the tempest howled
Oot o' the hills and valleys
And where was't that your prince lay doon
Whas hame should been a palace
He ro'ed him in a Heilan' plaid
Which covered him but sparely
And slept beneath a bush of broom
Oh wae's me for Prince Chairlie