Como se canta en nápoles

Pecché se canta a Napule, t' 'o vuò sapé?
Pecché già te n'adduone
Ca dint'ô core va 'nu raggio 'e sole
Sentenno 'na canzona
E Napule chest'è, chesto po' dà
Pò dà speranze a chi nun spera cchiù
Resate allère e freve 'e passione

E basta sulamente 'nu mandulino
P'avantà 'e ttrezze bbelle e ll'uocchie doce
'N'aria 'e ciardino
'Nu filo 'e voce
'Nu core ardente
Ca, ride o chiagne, vò sempe cantà

Pecché se canta a Napule, t' 'o vuò sapé?
Pe 'e rrose e pe 'e vviole
Pe 'o cielo e 'o mare e maje pe fà tesore
Pe ammore e pe 'e ffigliole
Perciò chi nasce dint'a 'sta città
Passa, cantanno, tutt' 'a giuventù
Serata 'e luna e matenàte 'e sole

E basta sulamente 'nu mandulino
P'avantà 'e ttrezze bbelle e ll'uocchie doce
'N'aria 'e ciardino
'Nu filo 'e voce
'Nu core ardente
Ca, ride o chiagne, vò sempe cantà