Auf de schwäbsche Eisebahne

12. Auf de schwäbsche Eisebahne
Schwäbisches Volkslied, 1853
1. Auf de schwäb´sche Eisebahne
Gibt's gar viele Haltstatione:
Schtueget, Ulm und Biberach,
Meckebeure, Durlesbach.
Rulla, rulla, rullala,
rulla, rulla, rullala
Schtueget, Ulm und Biberach,
Meckebeure, Durlesbach.
2. Auf de schwäb´sche Eisebahne
wollt amol a Bäuerle fahre,
geht an Schalter, luepft de Huet:
Oi Billetle, seid´s so gut !
Rulla, rulla, rullala,
rulla, rulla, rullala
geht an Schalter, luepft de Huet:
Oi Billetle, seid´s so gut !
3. Eine Geis hat er gekaufet,
und dass sie ihm net entlaufet,
bindet se der guete Ma´
hinten an de Wage a´.
Rulla, rulla, rullala,
rulla, rulla, rullala
bindet se der guete Ma´
hinten an de Wage a´.
4. Böckle, tue nur woidle springe,
´s Fueter will i dir scho bringe.
Setzt si zu sei´m Weible na´
und brennt´s Tubakspfeifle a´.
Rulla, rulla, rullala,
rulla, rulla, rullala
Setzt si zu sei´m Weible na´
und brennt´s Tubakspfeifle a´.
5. Auf de nächste Statione,
wo er will sei Böckle hole,
find´t er nur no Kopf und Soil
an de hintre Wagetoil.
Rulla, rulla, rullala,
rulla, rulla, rullala
find´t er nur no Kopf und Soil
an de hintre Wagetoil.
6. Do kriegt er en große Zore,
nimmt de Kopf mit samt de Hore,
schmeisst en, was er schmeiße ka´,
dem Konduktör an Schädel na.
Rulla, rulla, rullala,
rulla, rulla, rullala
schmeisst en, was er schmeiße ka´,
dem Konduktör an Schädel na.
7. So, du kannst de Schade zahle,
worum bist ze schnell gefahre,
du alloin bist schuld dara´,
dass i´d Gois verlore ha´.
Rulla, rulla, rullala,
rulla, rulla, rullala
du alloin bist schuld dara´,
dass i´d Gois verlore ha´.