Panimulang Oda

Hindi na matandaan
ang buhay bago mo matagpuan
kay bilis nakaligtaan
kung pa 'no hinaharap ang umaga nang
wala ang 'yong liwanag
at ginhawang hatid ng arugang
hindi namimili
ng bahaging iibigin
Ramdam na ramdam
kung pa 'no mo hagkan
kasiguraduhang
hindi kailangang patunayan
Hindi na makita ang
sariling tumigil pang
mamuhay sa 'yong tanglaw
liwayway sa 'king panglaw
mali daw umikot ang
lahat sa isang nilalang
e pano kung 'di na gagalaw
ang buong mundo 'pag walang ikaw
Lahat ay pinapakinggan
bawat daing at pinapasan
ni minsa'y 'di hinusgahan
sa nakaraan, niyakap mo nang walang
inaasahang kapalit, kamalia'y hindi
ginawang dahilan upang talikuran
bagkus pinili pang alagaan
Hindi na makita ang
sariling tumigil pang
mamuhay sa 'yong tanglaw
liwayway sa 'king panglaw
mali daw umikot ang
lahat sa isang nilalang
e pano kung 'di na gagalaw
ang buong mundo 'pag walang ikaw
Hagkan mo lang nang
walang pagtatangkang bumitaw
'wag mo na kong bitawan
Hagkan mo lang nang
walang pagtatangkang bumitaw
'wag mo na kong bitawan
Hagkan mo lang nang
walang pagtatangkang bumitaw
'wag mo na kong bitawan
Hindi na makita ang
sariling tumigil pang
mamuhay sa 'yong tanglaw
liwayway sa 'king panglaw
mali daw umikot ang
lahat sa isang nilalang
e pano kung 'di na gagalaw
ang buong mundo 'pag wala ka
Alam kong hindi na gagalaw
ang buong mundo 'pag walang ikaw