Maunche Liada singst fia di

Hob scho was Gott wia laung ka Liad mehr gschriebn,
Obwoih mi ollahaund bewegt,
In mir umriaht, stürmt und finster wird
Und i ma zuaschau wies mi zlegt
Und was ned grod daun, wauns das aussadruckt
Wa ned a Liad a guads Ventü
Vielleicht, doch i hob docht, des wird neamt hean woin hoit
Und so bleib i stü
Maunche Liada singt ma hundertausnd moi
Maunche Liada singt ma nie
Maunche Liada singt ma fia de aundan Leit
Maunche Liada singst fia di
I hob vasprochn, dass’ zum Lochn wird
A bissl Schmähfiahn, bissl gfeanst
I was fia eich mog des a Gaudi sei,
Doch fia mi do is des ernst
Wei wos, waun i daun moi ned lochn kau
Wei jo a mir is moi zum Rean
Und waun i eich daun ned den Kasperl moch,
Woits ihr mi trotzdem singa hean
Maunche Liada singt ma hundertausnd moi
Maunche Liada singt ma nie
Maunche Liada singt ma fia de aundan Leit
Maunche Liada singst fia di
Maunche Liada singt ma hundertausnd moi
Maunche Liada singt ma nie
Maunche Liada singt ma fia de aundan Leit
Maunche Liada singst fia di