Pahina

O kay bilis lumipas ng araw
Di ko namalayan ang panahon
Dumaan na pala ang dalawang taon
Akala ko ay di ko makakaya
Inasahan ko pa ang pagbabago
Ay magiging dahilan din ng pagsuko
Sa tahimik at madilim na daan
Patuloy pa rin ako sa aking paghakbang
Hindi ko na mabilang ang mga luha
Pero naroon rin naman ang tuwa
At lahat ng naisulat sa kahapon
Kinakaya ko nang basahin ngayon
Mula sa simula, hanggang sa
Ika-pitong daan at tatlumpu't isang
Pahina
Dito ako tinangay ng hangin
Sa mga sorpresang dala ng tadhana
Sa mga bagay na hindi ko inakala
At kahit di ko makita ang saysay
May hangganan rin ang paghihintay
Hindi ko na mabilang ang mga luha
Pero naroon rin naman ang tuwa
At lahat ng naisulat sa kahapon
Kinakaya ko nang basahin ngayon
Mula sa simula, hanggang sa
Ika-pitong daan at tatlumpu't isang
Pahina
Nakita ko ang pagsikat ng araw
Narinig ko ang pagbuhos ng ulan
Sa tula at istoryang tahimik na nabuo
Habang patuloy sa pag-ikot ang mundo
Hindi ko na mabilang ang mga luha
Pero naroon rin naman ang tuwa
At lahat ng naisulat sa kahapon
Kinakaya ko nang basahin ngayon
Mula sa simula, hanggang sa
Ika-pitong daan at tatlumpu't isang
Pahina
Mula sa simula, hanggang sa
Ika-pitong daan at tatlumpu't isang
Pahina