Matariki Hao Ariki

E ua, e te ua
E hiko, e te rangi
Papā te whaititiri
Matariki-hao-ariki
He ua kōpiro e tāheke mai ana
I ngā mata o te tini
He ua pūroro kua hōkio
I ngā kamo o te mano
Matariki-hao-ariki
Ngunguru te pō
Ngunguru te ao
Ngunguru te pō
Ngunguru te ao
Ko te ngaruru mai rangi o te iwi
Kāore ia nei
Kāore ia nei ko te tohu o te mate
E tangi pōhutu nei a Manawa, e
Waipuke nei te whenua
E Rangi, e
Matariki-hao-ariki
E ua, e te ua
E hiko, e te rangi
Papā te whaitiri
Matariki-hao-ariki
Kīngi Tūheitia
Haere atu rā ki ō nui i te pō
Matariki-hao-ariki