Teka Lang

Sayang naman ang mga ngiti
Na dumadapo sating labi
Sa t'wing magkasama
Dati-rati ang mga tingin
Sa mga mata ay kay lalim
Ngayon wala ng lambing
Napako lahat ng mga pangako
Sumuko na yata ang ating puso
Teka lang naman
'Di ba natin kayang tingnan
Teka lang naman
Kung may’ron pa ring paraan
Nabawasan man tayo ng kilig
Pumipintig pa rin ang pag-ibig
Bakit ganyan kapag nagkamali
Kailangan ba magkunwari
Ba’t ‘di na lang aminin
Nag-iba ang panahon
'Di namalayan
'Di na katulad ng noon na dinadamayan
'Wag sanang isipin na 'di napansin
Nagbagong damdamin ay nadama rin
Teka teka nga lang
Ako ba ang nagkulang
Kung gayunman ay patawad na lamang
'Di sinasadya ang mga pangyayari
Wala namang balak na ito ang manawari
Dati naman magkatulad ng ugali
Ngunit ngayon malaki na ang lamat
Lagi na lang tayong magkasalungat
Magkabila na ang ating daigdig
At 'di makaabot sa puso ang pintig
Tila matamlay at hindi na matibay
Idaan na lang sa dami ng tagay
Kung sabagay bawat dighay
Ay katumbas ng pagibig na inalay
Nasaan na ang banaag ng umaga
Nasa dilim at wala ng halaga
Maliwanag nakabitag
Na ang puso at pumapalag
Hayaan nang mag-isa
Magbalik sa umpisa
Teka lang sandali
'Di ito madali
Teka lang sandali
Baka ito na ang huli