Akela Tha

Akela tha, najaane konsi jagah thi,
Andhere safar mein, tum meri subah thi.
Main bolta hoon jhoot, tum janti ho sach,
Waqt hoga keemti, main tum pe karta kharch.
Main jodta ni haath, par tum meri dua thi
Kaafir hai dil mera aur tum saboot e khuda thi.
Shaam e ghum mein ujaala tum ho, mere har kadam ka thikaana tum ho, mere har safar ka nazaara tum ho, mere jeene ka ab bahana tum ho.
Phoolo ke beech tum guldasta,
Mere lafz e ishq mein hai tu basta,
Kho jaaun kabhi main apne aap mein,
Mera har khayaal tujhe dhundta.
Teri zulfo se bandh ke, har azaab se azaad hoon,
Teri aankho mein baske, ghar ki karta nahi talaash hoon.
Khaas ho, par raaz bhi, meri chaah ho, aitraz bhi,
Hai faasle par paas bhi, meri dhadkan ka ho saaz bhi.
Husn agar paani, toh tum ho dariya,
Jalti hai tumse, jannat ki pariya,
Main jag se juda, duniya lage paraayi
Par apni lage tere dil ki galiya.
Jabse tum meri jaan hue,
Hum duniya se anjaan hue.
Khudke dil mein hi mehmaan hue,
Jabse tum meri jaan hue.
Jabse tum meri jaan hue,
Hum duniya se anjaan hue.
Khudke dil mein hi mehmaan hue,
Jabse tum meri jaan hue.