Nochborskinda

Finster wirds
des geht ma am Zager
die Nochborskinda plärrn umanaunda
plärrn wie am Spieß
schreien umanaund
waun i jetzt aufsteh
owa dann!

Drahts eich ham
lossts mi anglahnt
die Leit wuin schlofn
und de mochn an Aufstand
die Gschroppen san net zum pocken
Bin eh scho gschlaucht
von der gschissanen Hockn

Na sowas hätts net gebn
Weil beim Vodan,
beim Vodan
hätts Watschn grengt

Wies ausschaut bei denen in da Wohnung
do trifft di da Schlog
do dastickst im Dreck
a waun is da sog
bei mir is a net picko-bello
des gib i scho zua
owa duat miachtls
waßt durt hots
so an eignen Gruch
Dass sie tranklt wundat mi net
weil er, er schert si a an Dreck

Is nie daham
flaniert umanaund
und sie is allan mit die Gschroppen daham
Na hawidere
da kaunst da gratuliern
taunzn ihr am Schädl umanaund
hom gor kane Manieren

Na sowas hätts net gebn
Weil beim Vodan,
beim Vodan
hätts Watschen grengt
a gscheite Nussn
a Ohrwaschlreiberl
a Gnackflack
an Spitz
owa wauns a Eisenbahner is
a Stereowatschn
an Sheriffstern
a Packl Hausdetschn
dass amoi
dass amoi
urdentlich plärrn
gibstn erna
an Tschuck aufs Guck
an Eierbock
oda a Brennessel
an Saubauch
na zruckredn hätt ma si net traut
wei da Vodan hätt uns ane prackt
dass ma glauben
'es Christkindl wor a Raubvogl
und Recht hot er ghobt
der selige Vater
hots uns wos gschod
noch so an Theater?
Mir tuat heit no olles weh
owa heit nimm is
heit nimm is
mitn Schmäh
Auweh