Habeet

انا كل يوم اكتب لك رسايل بين بيت و بيت
كتبتك لين ما بيّن : من المقصود بأفكاري
تعبت اسمع من العالم"جميل ، ومبدع ، وحبّيت"
وانا اللي اكتب لأجله مـ هو شايف ولا قاري
غريبه من تفارقنا لا قلبك حنّ ولا حنّيت!!
غريبه مَ انت ابد مثلي تجي و تدّور اخباري
تشوف فراقنا خيره؟وش الخيره اذا صديت!؟
وش اللي تستفيده من فراقي يا أخْيَر أقداري
ياليتك بس في بُعدك .. حبيبي صدق ما خلّيت
فـ بالي ذكريات ، وما تجي كل يوم في طاري
احبك كل هالعالم دروا بي وانت ما حسّيت
او انك تدري بحبي .. و كنّك عني مو داري