Gira l'ora

Mentre chi l'omu pensa novu
Quandu lu fiatu tone sodu
A manu tesa, stringhje l'avvene di u sperà
U chjamerai à ghjornu pienu
Da foscu a chjaru è piu serenu
L'omu chi vole, quandu lu solehà da spuntà
Caminerai versu luntanu
A mente aperta, u core sanu
Farai mottu ùn ti scurdà di fratellà

Ci scriveremu è canteremu inseme
Gira l'ora, l'omu sà
Gira l'ora, l'omu và

Ci cunterai cun fermezza
Parulle scelte, di purezza
Chi to primure, nate di pene è di stenta
U purterai à la sulana
A l'aghja chi monda la grana
Dalli la voce e d'eccu ti rispunderà
Traccia l'avvene à chjamata
Ne cresce forte a cruciata
Strada facciendu, Corsica, unita si farà

Ci scriveremu è canteremu inseme
Gira l'ora, l'omu sà
Gira l'ora, l'omu và