Who Rule (feat. Vegas)

Now easy, Latty!
You know say a me run tings
Like, seriously...
You know say a woman run the world
Ladies, come back me!

A man rule
No woman cyaa take me fi fool
Me wear the pants inna the house, a me rule
Woman rule
No man cyaa take me fi fool
Me have mi education, me go a good school
A me run tings, and me nah stop say so
No matter which the argument, a God say this so
Woman run tings, and me nah stop say so
'Memba it's a woman you born from, enuh

Hey, Latty!
You really want a competition?
Me know say woman no admit when dem wrong
You know the only thing women have over man
Is lock up the shop and no give no nothing nyam
Wait deh!
You know you love your belly too much
Everyday you waan steam fish and Irish refresh
And every time you pass me, you're tempted to touch
You just come start me up and know you can't keep up
A wha' that you a say?!
You a try style me up?
You know anytime me do a hundred push up
Eat some Ice Dance, drink some Pep Up
All argument done anytime me get up
Get up?! Pep Up?! It better you shut up!
Me can't even tidy up the way how you a rush
You know me sorry fi you when me give you a little touch
But your minute soon done fi me go play Candy Crush

A man rule
No woman cyaa take me fi fool
Me wear the pants inna the house, a me rule
Woman rule
No man cyaa take me fi fool
Me have mi education, me go a good school
A me run tings, and me nah stop say so
No matter which the argument, a God say this so
Woman run tings, and me nah stop say so
'Memba it's a woman you born from, enuh

Hold on deh, lady!
You swear say you win?
Inna this yah house yah a me a the king
You fi wash, and cook, and do the cleaning
See mi dutty clothes yah, don't say a thing
Hold on!
Wha' you say?!
You a king?! Eh, eh!
Well, you must Burger King!
You bring your dutty clothes, you better start the washing
And while you at it, wash too a mi G-string
And don't make the bleach touch the bedding-ing
Or your side a the bed won't be spreading-ing
You know say that argument deh no make it
A try, you a try diss me when me check it
Me have a secret, me have a girl weh pregnant
Guess who?!
Your beggy-beggy sister, Betty
Wha' you say?! A lie you a tell pon Betty!
You only a say that fi get back to me
Vegas, you know say a trouble you a look
Why you no go back go bawl pon your Facebook?
See it deh now!
You take it personal
How you fi bring up 'bout mi ex-gyal?
'Memba your ex-man was a criminal
Weh used to thief mango, and thief scrap metal
Lawd, Vagy, why you a huff and a puff?
You fool 'round me and know me play rough
You know you no haffi worry, you know you mi love
Come here, baby
Me know you need a hug

A man rule
No woman cyaa take me fi fool
Me wear the pants inna the house, a me rule
Woman rule
No man cyaa take me fi fool
Me have mi education, me go a good school
A me run tings, and me nah stop say so
No matter which the argument, a God say this so
Woman run tings, and me nah stop say so
'Memba it's a woman you born from, enuh