Guvernu talianu

Guvernu 'talianu si veru buttanu,
Ci suchi lu sangu a lu povir'omu.
Li tassi chi menti su veru trimendi
Ca fannu arrizzari li spaddi e li renti.
C'è tassa ppi tuttu, manciari e viviri,
Figghiari e durmiri, campari e muriri.
C'è sulu dui cosi nta chistu mumentu
Ca nun su suggitti a lu tassamentu.
Guvernu 'talianu ti ringraziu
Ca ppi pisciari nun si paga daziu.
E ppi farisi 'na ca... ca... ca... cantata,
Nun c'è bisognu di carta bullata.
Ccu l'occhi chini e la panza vacanti,
'na manu darreri e l'autra davanti.
Ch'i pedi scausi e li causi strazzati,
Jemu girannu ppi sti strati strati.
Semu ridutti comu l'armi santi,
Nudi a lu 'nfernu, nta lu focu ardenti,
E c'è cu luntanu unni va la cucca
Ca tutti li cosi si futti e s'ammucca.