Kanpazar 1975

Gaur beste behin dut oroitzen
Egun hartatik gurekin etzaudela
Hala ere maitasunez abesten dizut
Entzuten egongo bazina bezela

Kontatu nahi dizut ordutik
Tamalez besteren batek ere utzi gaituela
Batez ere jakin ez dugula barkatzen
Ta oroitzen dugula izan balitz bezela

Ogibidez tabernari, euskaltzale
Familiako oinarrizko zutabe
Gizon handia tamainaz ta bihotzez
Amets gaiztoa azalean bizi zenuen

Sartu zirelako gau hartan
Indarrez gurera
Mendeku gosez gainera
Ez gaude prest makurtuta bizitzeko
Gertatu zena barnean gordetzeko

Ta joan zinen inork espero ez bezela
Oihu bat izarren babesera
Jakin dezaten guk dakigun bezela
Udazken hartan lore bat hil zutela

Heldu zinen nigana gazte nintzela
Kaleko horman aurkitu zuntudan
Argazki baten
Eta ulertzen zaila izan zen arren
Benetan ohartu nintzen

Urriak hamabi baten
Legution tiro hotsek
Bizitza aldatu zutela

Eta konturatu ginen
Bera hil zuten esku berdinek
Hil zintuztela zu ere

Ta joan zinen inork espero ez bezela
Oihu bat izarren babesera
Jakin dezaten guk dakigun bezela
Udazken hartan lore bat hil zutela

Inpunitate osoz hil zituztela
Kanpazarretik gure zeru gainera
Besarkada bat izarren babesera