Paglisan

Bakit pa kailangan na masaktan ang puso kong ito?
Sa iyong paglisan, hapdi ang siyang naramdaman
Hindi na ba maibabalik ang lahat ng ating nakaraan?
Dahil ba sa huli na ang lahat, sa 'yo'y paalam?

Sa pagkawala ng relasyon na aking iningatan
Na ngayon ko lang naramdaman at aking naranasan
Ang umibig ng lubos at ibigay ko ang lahat
Tinatanong sa 'king sarili kung hindi pa ba sapat
Ang lahat ng ginawa ko para lamang sa iyo?
Bakit kailangang mangyari pa ang mga ganito?
Pilit na inaalala mga bagay na nangyari
Sa 'king puso at sa isip, kalungkutan ang naghari

At naghiwalay tayo na 'di man lang nakapag-usap
Hanggang sa huling sandali, wala nang pangungusap
Na lumalabas sa labi mo na gusto kong malaman
Kung bakit nagkagan'to, at bakit mo 'ko iniwanan?
Dahil ba sa sabi-sabi at mga bali-balita?
'Di mo na 'ko tinanong at tuluyan kang naniwala
Sinira mo ang tiwala, at ako'y tinalikuran
Bakit kailangan kong masaktan sa iyong paglisan?

Bakit pa kailangan na masaktan ang puso kong ito?
Sa iyong paglisan, hapdi ang siyang naramdaman
Hindi na ba maibabalik ang lahat ng ating nakaraan?
Dahil ba sa huli na ang lahat, sa 'yo'y paalam?

Lumipas nga ang panahon at mga sandaling wala ka
'Di na 'ko umasang babalik ka pa 'pagkat wala na ngang pag-asa
Kahit na ako'y magsisi at lumuha
'Di na mabilang ang tubig na ipinatak sa lupa
Gustuhin ko man na ibalik, hindi na maaari
'Pagkat sa puso mo, mayro'n nang nagmamay-ari
At alam ko na kayong dalawa ay nagmamahalan
Tiniis ko ang sakit at hindi na kitang pinigilan

Ilang beses kong niloko ang sarili kong ito
Na kaya kong mabuhay kahit na wala sa piling mo
Ngunit hindi pa rin sapat ang maging manhid na lang
Upang itago ang nadarama't tuluyang maibsan
Nadama ko na may kulang pa sa aking pagtayo
'Yon ay 'di ko maabot dahil sa 'yong paglayo
Alam kong 'di mo na pakikinggan kahit na isigaw
Walang ibang kulang sa buhay ko, mahal, kundi ikaw

Bakit kailangan humantong sa hiwalayan ng lahat?
Ang nangyari sa relasyon natin, hindi ko matanggap
Hindi ako nagkamali at nagkulang sa 'yo, sinta
Ngunit ano'ng isinukli? Iniwan mong nag-iisa

Bakit pa kailangan na masaktan ang puso kong ito
Sa iyong paglisan, hapdi ang siyang naramdaman
Hindi na ba maibabalik ang lahat ng ating nakaraan?
Dahil ba sa huli na ang lahat, sa 'yo'y paalam?

Naghiwalay tayo na kapuwa may samaan ng loob
At 'di man lang ako nakaangat sa aking paglubog
Hanggang sa huling sandali, 'di man lang nakapagpaalam
Katagang nais sabihin, hindi ko man lang nabitawan
Na sana'y mag-iingat ka sa lahat ng sandali
'Di na 'ko muling hahabol at magbabaka-sakali
Na maibalik ang dati at makapiling sa tuwina
Ang isang katulad mo 'pagkat wala na ngang pag-asa

At hindi talaga tayo ang itinakda ng Diyos
Kaya ang pagsasama natin ay maagang nagtapos
Bakit kailangan ko pang masaktan sa iyong paglisan?
'Di ko lubos maisip, ba't gan'to ang kapalaran?
Bago magtapos ang awit ko, sana'y malaman mo
Na wala na akong ibang inibig kundi ang katulad mo
Ngayong tapos na ang lahat pati ang awitin kong 'to
Salamat sapagkat naging bahagi ka ng buhay ko

Bakit pa kailangan na masaktan ang puso kong ito?
Sa iyong paglisan, hapdi ang siyang naramdaman
Hindi na ba maibabalik ang lahat ng ating nakaraan?
Dahil ba sa huli na ang lahat, sa 'yo'y paalam?

Bakit pa kailangan na masaktan ang puso kong ito?
Sa iyong paglisan, hapdi ang siyang naramdaman
Hindi na ba maibabalik ang lahat ng ating nakaraan?
Dahil ba sa huli na ang lahat, sa 'yo'y paalam?