Plagöri

Mer send es paar Zecke, Plagöri eusi Gang
Mer mached zäme Musig ond bliibed onbequem
Mer probed jedi Woche ond ässed emmer fein
Die beschte Rezäpt die gets i eusem Zine
Gourmet-Punx parat, das esch euse Ruef
Gäld verdiene gärn, aber ned meteme Bruef
Mer send zemmli hässig ond raschted mängisch uus
Eigentlech ganz lieb aber pass besser uuf

Met Theremin ond Saxophon, Gepäägge i das Mikrophon
Alles falsch ond nüüt synchron - Mer send Plagöri!
Mer holed Punk jetzt us em Grab, us siim starch verstaubte Sarg
Ond mached en uf eusi Art - mer send Plagöri!
Met Theremin ond Saxophon, Gepäägge i das Mikrophon
Alles falsch ond nüüt synchron - Mer send Plagöri!
Mer holed Punk jetzt us em Grab, us siim starch verstaubte Sarg
Ond mached en uf eusi Art - mer send Plagöri!

Du gohsch uf Afrika go reise, ond besch ach so mega lenggs
Fendsch Nazis zemmlech scheisse, doch glaubsch diskutiere brengts
Du hesch diini Dreadis gflochte, chaufsch nome Gmües bim Puur
Treisch nome fairi Chleider ond fahrsch Velo rond om d Uhr
Du gohsch nie go dusche hängsch am Bahnhof met de Punx
Trenksch Dosebier zum Zmorge ond machsch de Touris denn Angscht
Diin Iro stoht perfekt hesch hondert Niete om diin Hals
Du besch oberkörperfrei ond bem Poge machsch nüüt falsch

Met Globuli ond Arnika, gohts euch eifach wonderbar
Boued jedes Ochruut ah - ehr send Plagöri!
Met Irokes ond Dosebier, es werd nome warm serviert
S Eländ no glorifiziert - ehr send Plagöri!
Met Globuli ond Arnika, gohts euch eifach wonderbar
Boued jedes Ochruut ah - ehr send Plagöri!
Met Irokes ond Dosebier, es werd nome warm serviert
S Eländ no glorifiziert - ehr send Plagöri!

Äh ond weisch, es esch gar ned so schlemm das ehr alli Plagöri send, well wie het de Adam Schmid so schön gseit?
Fake it till you make it! Mer send jo alli Plagöri, das esch hald en Teil vo eusem Läbe i Dem neoliberale System
S einzig wo am Ändi vom Tag no zellt esch dass ich enere Band spele ond mis Mami Stolz uf mech esch

Met Gucci ond Armani ah, em Chihuahua ufem Arm
Wie en ächte Superstar - alls nor Plagöri!
Met M-Budget ond Prix Garantie, längets au för Bulgari
Geschter no es Auto gleast - alls nor Plagöri!
Met Gucci ond Armani ah, em Chihuahua ufem Arm
Wie en ächte Superstar - alls nor Plagöri!
Met M-Budget ond Prix Garantie, längets au för Bulgari
Geschter no es Auto gleast - alls nor Plagöri!