El Mal El Sayeb

لا تصلّح مرّه العايب
ولا تبقوا فـ مرّة نسايب
ولا حتّى تشاركه فـ لُقمه
إزاى هتآمنه ياخايب

ما تقولش أصلنا وحبايب
صدّقني المال السايب
بيعلّم ناس السرقة
وتعيش تدفع فـ ضرايب

لا تصاحب الندل ولا تقرّب
لو تحت البيت منّه اتهرّب
منقوع في الغدر ومتشرّب
ليه غاويين على روحنا نغلّس
لا تلوم في خسيس ولا فيه تراضي
ولا حتّى تفكّره بالماضي
ولا شيك ليك يبقى عليه ماضي
إذا كان في الأخلاق ومفلّس

خلّينا كدا في المتداري
و على شمعتنا نداري
كلّه باصصلنا فـ الضحكة
ولا حدّ بدمعنا داري
بتقولوا مَعناش ومعاكوا
اومال ليه قطعنا معاكوا
شكلكوا بتحبّوا الاسود
اتاريه بقا لون نواياكوا

لا تصاحب الندل ولا تقرّب
لو تحت البيت منّه اتهرّب
منقوع في الغدر ومتشرّب
ليه غاويين على روحنا نغلّس
لا تلوم في خسيس ولا فيه تراضي
ولا حتّى تفكّره بالماضي
ولا شيك ليك يبقى عليه ماضي
إذا كان في الأخلاق ومفلّس

لا تصلّح مرّة العايب
ولا تبقوا فـ مرّه نسايب
ولا حتّى تشاركه فـ لُقمه
إزاى هتآمنه ياخايب