Nniy as akker

Ul-iw iɣum deg usigna
Ɣur-s d ccetwa
Beṛṛa d iṭṭij ɣef medden
Kul ass lhem yenarna
Tettezzi lmeḥna
Di sin i ddukulen
Nniɣ-as kker yugi
I zzher-iw yeṛwa ṛṛay-is
Yugi ad yeṛwu taguni
Uḍneɣ ddnub i yiri-s
Yeḥzen wul-iw a yettxaq
Icewwel seg imeṭṭawen
Am uɣanim aleqqaq
Yekna i ubeḥri i d-iṣṣuḍen
Lehna lɛabd ur as-ifaq
Yezgel ayla-s mi tferqen
Yerra ddemaṛ d imekli
Imensi-s d lemḥayen
Lhem-is ḥed ur t-yeẓri
Ulac wa ara t-ifehmen
Zzher-is am ilili
Yekkes-it-id si ger isaffen
Ma tekfa fell-i lehwa
Mačči d iṭṭij i ttraǧuɣ
Ma tekfa fell-i lmeḥna
D weletma-s I ɣef ara bnuɣ
Ma teṣfa-d di mkul lǧiha
Ass-n balak ad zhuɣ