Beldurra

Udazken asko zituen gainean
Bere giharrak lokartu ziren
Berak heldutakoaren kabian
Gero zaldi herrena
Nahi eta ezina
Urteen eragina somatzen zuen

Batzuk bakarrik dakite
Zahartzaroaren sentipenaz
Beldurra ote?
Eguneroko luzea
Irekitzearen misterioa
Jaten nau
Beldurrak!

Ahulki baten geldirik egonda
Egutegia txikituz doa
Heriotzaren gerturatzea
Ahaztu arren ez
Dago irtenbiderik
Elizan babes berezi batek dihardu

Odol gaztearen senak
Destinu hau izkutatua du
Beldurra ote?
Aitona zu izan zara
Halabeharraren testigu bat
Jaten nau
Beldurrak!

(Aitona, arren, argitu nere bidea)
Bizitzaren egituraren
Barnean naiz
Zorigaitzaren alde zuria
Hartu behar duk