Bemaleda

የመዋደድ ኬላ የፍቅር ድንበሩ
መናፈቅ እኮ ነው የፍቅር ደምሥሩ
አለሽ ጨረቃ ላይ አለሽ ከሰማዩ
የትም አይሻለሁ የኔ ክፋይ ሙሉ

የጤዛላይ ዉሃ እንክብል ጠበታ
ከነፋስ ያዋለ ሰንበሌጥ ሹክሹክታ
ካንደኛዉ ትንፋሼ አንደኛዉ ሲቀጠል
አንቺን ነዉ የማስብ ቀፅበቱ መሀል

ገና በማለዳው ንጋት ሲንጠራራ
አውራ ዶሮ ጮኾ ፀሐይዋን ሲጣራ
ለኔ ብለሽ ስሚ ላንቺ ነው መልዕክቱ
ልቤ ይወድሻል ይኼ ነው እውነቱ

በልከኛ ሚዛን ፍቅርን አክባሪ
በለምለም ሰንበሌጥ ቃልኪዳን አሳሪ
ለክ እንደ ዳክዬ ደግሞ እንደ ዋኔ
ዙሪያሽን የምከብ ለመምቴሽ ነኝ እኔ

ገና በማለዳው ንጋት ሲንጠራራ
አውራ ዶሮ ጮኾ ፀሐይዋን ሲጣራ
ለኔ ብለሽ ስሚ ላንቺ ነው መልዕክቱ
ልቤ ይወድሻል ይኼ ነው እውነቱ

ካንደኛው ትንፋሼ ሌላኛውን ስስብ
በቅጽበቱ መኻል አንቺን ነው የማስብ
የትም ቦታ ኾኜ የትም ቦታ ኾነሽ
እናፍቅሻለሁ ትናፍቂኛለሽ

ገና በማለዳው ንጋት ሲንጠራራ
አውራ ዶሮ ጮኾ ፀሐይዋን ሲጣራ
ለኔ ብለሽ ስሚ ላንቺ ነው መልዕክቱ
ልቤ ይወድሻል ይኼ ነው እውነቱ

በታላቅ አርምሞ በተገኘ ዜማ
ንጋት ልታበስር ከጮራዋ ቀድማ
ጸሎት ማድረሻ ላይ በሌሊቱ ቆማ
ኩኩ መለኮቴ ስትዘምር ደጋግማ
ለኔ ብለሽ ስሚ ላንቺ ነው መልዕክቱ
ልቤ ይወድሻል ይኼ ነው እውነቱ

ገና በማለዳው ንጋት ሲንጠራራ
አውራ ዶሮ ጮኾ ፀሐይዋን ሲጣራ
ለኔ ብለሽ ስሚ ላንቺ ነው መልዕክቱ
ልቤ ይወድሻል ይኼ ነው እውነቱ