Aghosh

Toote huwe un khwaabon ke
Uss dahekte sooraj talle
Falak se ab tapke na jo
Umeed ke qatre the wo
Talakh ansuwon ke sailaab se
Bhi jo ho na saki num to
Roti thi wo

Ye zameen
Meri maan thi wo
Khuda ka wajood
Mabood thi wo
Saya thi
Roshni bhi thi wo
Qadam talle jannat
Meri aghosh thi wo

Jiss aasre ke liye
Rooh tarapti thi jiss ki
Jiss shama ko
Jala na saki
Wo andhera hoon mein
Ye gunah-gar haath
Bheek ki chah mein
Jo badhain darbadar uss ki su
Dar rahi thi wo

Ye zameen
Meri maan thi wo
Qadam talle jannat
Meri aghosh thi wo

Aankh se tapka jo ab ye lahoo
Zakham bharne lage
Sar-ba-sajood hoon uss ke hazoor
Gunah dhulne lage
Darguzar uss maan ne kiya
Fasle simatne lage
Wahdahoo! Uss ki kokh se hoon
Ek hi nabz, ek wajood

Ye zameen
Meri maan hai ye
Khuda ka wajood
Mabood hai ye
Saya hai
Roshni bhi hai ye
Qadam talle jannat
Meri aghosh hai ye