Habaytak Bel Saif

بأيام البرد وايام الشتي
والرصيف بحيرة والشارع غريق
بتجي هاك البنت من بيتا العتيق
ويقلا انطريني وتنطر عالطريق
وبروح وينساها وتدبل بالشتي
حبيتك بالصيف حبيتك بالشتي
نطرتك بالصيف نطرتك بالشتي
وعيونك الصيف وعيوني الشتي
ملقانا يا حبيبي خلف الصيف وخلف الشتي
مرقت الغريبة عطيتني رسالة
كتبها حبيبي بالدمع الحزين
فتحت الرساله حروفها ضايعين
ومرقت ايام وغربتنا سنين
وحروف الرساله محيها الشتي
حبيتك بالصيف حبيتك بالشتي
نطرتك بالصيف نطرتك بالشتي
وعيونك الصيف وعيوني الشتي
ملقانا يا حبيبي خلف الصيف وخلف الشتي
خلف الصيف وخلف الشتي