Husan Walon Se Allah Bachaye

Jane wale hamari mehfil se
Chand taron ko saath letha ja
Ham khezan pe nebah ker leinge
Tu baharon ko saath letha ja

Khezan ke dour mein ehd-e-bahaar leta houn
Koi bhi waqat ho hans ker guzaar leta houn

Gulon se rang sitaron se roshni le ker
Jamal-e-yaar ka naqsha utaar leta houn

Ye jo diwane se do chaar nazer aate hein
In me kuch sahib-e-israar nazer aate hein

Teri mehfil ka bharam rekhte hein so jaate hein
Warna ye log to baidar nazer aate hein

Mere daman me to kantoun ke siwa kuch bhi nahi
Aap pholoun ke khareedar nazer aate hein

Hasher me koun gawahi meri dega Saaghir
Sab tumhare hi tarafdaar nazer aate hein

Umar jalwoun me basar ho ye zaroori to nahi
Her shab-e-gham ki saher ho ye zaroori to nahi

Neind to dard ke bister pe bhi aa sakti hai
Unki aaghosh me ser ho ye zaroori to nahi

Aag ko khail patangoon ne samajh rakha hai
Sab ko anjaam ka darr ho ye zaroori to nahi

Shaikh karta he jo masjid mein khuda ko sajde
Iske sajdoon mein asar ho ye zaroori to nahi

Sab ki saqi pe nazer ho ye zaroori hai mager
Sab pe saaqi ki nazer ho ye zaroori to nahi

Koi dil mein liaye armaan chala ja ta hai
Koi khoye huwe osaan chala ja ta hai

Husn walon se ye kehdo ke na neklein baher
Deknein waloon ka imaan chala ja ta hai

Mast nazron se allah allah bachaye
Mahjamaloun se allah bachaye
Khuda bachaye teri mast mast nazron se
Farishta ho to behak jae aadmi kiya hai

Allah bachaye mast nazron se