Is Khat Ko Meri

مجھ کو غمِ حالات کی تصویر سمجھنا
اِس خط کو میری آخری تحریر سمجھنا
مجھ کو غمِ حالات کی تصویر سمجھنا
اِس خط کو میری آخری تحریر سمجھنا

افسانہ غمِ دل کا تجھے کیسے سناؤں
ٹوٹا جو ستم دل پہ تجھے کیسے بتاؤں

اِس پیار کو بگڑی ہوئی تقدیر سمجھنا
اِس خط کو میری آخری تحریر سمجھنا

مانا کہ جدائی کا بہت زخم ہے گہرا
میں چپ ہوں کہ لب پر ہے روایات کا پہرا

جو ٹوٹ نہیں سکتی وہ زنجیر سمجھنا
اِس خط کو میری آخری تحریر سمجھنا

چاہا تو بہت میں نے تیرا ساتھ نہ چھوٹے
ہاتھوں سے کبھی میرے تیرا ہاتھ نہ چھوٹے

اِس خواب کی قسمت نہیں تعبیر سمجھنا
اِس خط کو میری آخری تحریر سمجھنا
مجھ کو غمِ حالات کی تصویر سمجھنا
اِس خط کو میری آخری تحریر سمجھنا