Fimmene

Fimmene fimmene
Ca sciati allu tabaccu
'Nde sciati doi
E ne turnati a quattru

Ci bu la dice cu chiantati lu tabaccu
La ditta nu bu dae li taraletti
La ditta nu bu dae li taraletti

Te dicu sempre
Cu nu chianti lu tabaccu
Lu sule è forte e te lu sicca tuttu
Lu sule è forte e te lu sicca tuttu

Ca poi li sordi bu li benedicu
Bu 'nde cattati nuci de Natale.

Fimmene fimmene
Ca sciati a vindimmare
E sutta lu cippune bu la faciti fare
E sutta lu cippune bu la faciti fare.

Fimmene fimmene ca sciati alle ulie
Cujitine le fitte e le cijare
Cujitine le fitte e le cijare

E Santu Paulu miu de le tarante
Pizzichi le caruse a mmienzu l'anche.

E Santu Paulu miu de li scurzuni
Pizzichi li carusi alli cujuni.

Fimmene fimmene
Ca sciati allu tabaccu
'Nde sciati doi
E ne turnati a quattru
'Nde sciati doi
E ne turnati a quattru.