Úr beinum og brjóski

Það beið mín sending
Frá þér
þar sem við stóðum og sögðum
Að við myndum aldrei aftur láta
Leiðir okkar fléttast saman

Ég stóð og horfði
á hólmann sem var turn
Yfirgróin engi sem voru torg
Grýtta strönd sem var höll
þegar sendingin barst
Með þresti

Hann brotlenti við fætur mér
Og ég stakk honum upp í mig
Og bruddi

Úr beinum og brjóski
Dró ég eitthvað seigt og hvasst
Upp úr mér
Blátt og kalt
Fast á öngli
Rétt eins og ég man eftir því
þetta vægðarlausa augnaráð