Doli Mein Beethaye Ke

Doli mein bithai ke kahar
Doli mein bithai ke kahar
Laaye mohe sajna ke dwaar
Ho doli mein bithai ke kahar
Beete din khushiyon ke chaar
Deke dukh mann ko hazaar
Ho doli mein bithai ke kahar
Marke nikalna tha
Marke nikalna tha ghar se sanwariya ke
Jeete ji nikalna pada
Phoolo jaise paaon mein pad gaye yeh chhale re
Kaanton pe joh chalna pada
Patjhad, ho ban gayi patjhad
Ho ban gayi patjhad bairan bahaar
Doli mein bithai ke kahar
Jitne hai aansun meri ho
Jitne hai aansun meri akhiyon mein
Utna nadiya mein nahi re neer
Ho likhne wale tune likh di yeh kaisi
Meri tooti naiya jaisi taqdeer
Rootha maajhi, O maajhi
Rootha maajhi, O maajhi re
Rootha maajhi toote patwaar
Doli mein bithai ke kahar
Toota pehle yeh mann ho
Toota pehle mann, ab choodiyan tooti
Hue saare sapne yoon choor
Kaisa hua dhokha, aaya pawan ka jhonka
Mit gaya mera sindoor
Lut gaye, O Rama lut gaye
O Rama mere lut gaye solah shringar
Doli mein bithai ke kahar
Laaye mohe sajna ke dwaar
Ho doli mein bithai ke kahar