G'areeb Fi Bladi (Stranger In My Own Country)

رجوعي لك
أناديكم, أشد على أياديكم
أبوس الأرض تحت نعاليكم
وأقول أفديكم, وأهديكم ضيا عيني
ودفء القلب أعطيكم
فمأساتي الّتي أحياها, نصيبي من مآسيكم

كل السفن، تفوتنا تاركه الحزن يغرق قلوبنا راضيه
نكون ضيوف الظلم ببيوتنا
والآية انقلبت, كمان مرّه
صرنا ضيوف اللي غير مرغوب فينا مكتوب لينا نضلّنا
قراب على أرضنا بعاد من وطنا مين يهمه
همنا موت بطيء يجري بدمنا, حاكمنا
حكم صهيوني ديموقراطي؟!
ديموقراطي للنفس الصهيونيه وصهيوني للنفس العربية
يعني الممنوع اله ممنوع الي المسموح اله ممنوع الي والمسموح الي مكروه الي

لأنه, ينكر كياني, محى و ما زال يمحي الواني
يغسل دماغ ولادي اللي توعى على حاضر ما يمثلها
الجنسيه الزرقه نبلها ونشرب ميتها
تقلنا انه احنا من الشعب والشعب يحسسنا انه احنا
غربى, انا؟! غريب في بلادي

لوين أروح (لوين أروح)
الغربة احتلت داري
قالتلي الروح (قالتلي الروح)
حضن أهلك يحمي الغالي
لوين أروح (لوين أروح)
أخواتي ما اهتموا بحالي
قالتلي الروح (قالتلي الروح)
منتصب القامة امشي

احنا شايفين, وجوه مش رايدانا
نظرات قرفانانا همسات سابّانا
اشارات طاردانا قاهرانا
ناسيه انه اجدادنا اسسّو المباني واخوانّا مازالو يعمرو أساسها
وأساسها عرب المسجد والدير

وآخرها ناس من بلاد غير تصرخلي ترانسفير
احنا, شاكيين لقوانين, هاضمه حقوقنا
كاتمه صوتنا, داخل الخط الأخضر هادمه بيوتنا
البطالة تحومنا نربى بفقر وفقر يربّي عقولنا
لكن تحيي قلوبنا الي تحيي جذورنا, اللي ينادونا
خونه؟ (خونه) لا لا لا لا

انا ما هنت في وطني
مآسي شعبي كتبتلي قدري
العالم لليوم يعاملنا اسرائيليين
واسرائيل لبكره تعاملنا فلسطينيين, غريب في بلادي

لوين أروح (لوين أروح)
الغربة إحتلت داري
قالتلي الروح (قالتلي الروح)
حضن أهلك يحمي الغالي
لويح أروح (لوين أروح)
إخواتي ما اهتموا بحالي
قالتلي الروح (قالتلي الروح)
منتصب القامة أمشي

١٣ شهيد، القدر قريب، لما الحجر بالإيد، ١٣ شهيد
علاء وطنّا, عماد وطنّا
اكتوبر الأسود اثبت انه الأياد بدمنا, اذا
الكل فيهم وليد تحت الأحتلال كيف مش
رامي الماضي بل رامي حاله كالسيف الماضي
يعارك سلاح الحاسب دمنا مي
يقتل الصوت المصلح برصاصه الحي

ودمعة الأم تصيح انا اسيل عخد عرب
محمد والمسيح ياجبل ما يهزنا ريح
نضل رامز القوميه وسام الحريه
شعلة اجدادنا منوره الروح الشبابيه
انا, غريب ببلادي, لكن أحمد ربي
انّي متمسك بتراثي, نادوني خاين
عرب الداخل ال-٤٨ وايدك عراسك
احنا جذور فلسطين لطول العمر

لوين أروح (لوين أروح)
الغربة إحتلت داري
قالتلي الروح (قالتلي الروح)
حضن أهلك يحمي الغالي
لوين أروح (لوين أروح)، ولا صغرت أكتافي وقفت بوجه ظلامي
إخواتي ما اهتموا بحالي، يتيما" عاريا" حافي
قالتلي الروح (قالتلي الروح)، حملت دمي على كفي
منتصب القانة أمشي، وما نكست أعلامي
وصنت العشب فوق قبور أسلافي
أناديكم, اشد على أياديكم