Aalsi Dopahar

Ek aalsi dopahar me, ek budhe neem ki chaanv me.
Ek aalsi dopahar me, ek budhe neem ki chaanv me.
Jo nakshe me bhi naa mile, us chote se gaanv me.

Mere dada mujhse keh rhe the, ke beta kuch kanoon hai.
Jitni tarah ke bande dikhte, utni tarah ke gun hain.
Utni tarah ke kisse hain, har bande ke har ghaav mein.
Ek aalsi dopahar me, ek budhe neem ki chaanv me.

Ek sipahi ke charche sun reh gya tha dang main,
Usne maar giraye the na jaane kitne jang mein.
Gaanv me jb vo lauta tha to khadda tha ek aankh mein,
Par saare yhi puch rhe the kitne milaye raakh mein.
Kisi ne uska haal na pucha, aise hi sab ghar gye.
Fauji ko yun lga ki jaise vo saare bhi mar gye.
Usne apni maa se kaha kar daale maine paap kai.
Jo chaahe ise naam do maine cheene bete baap kai
Ye sab soch sochkr meri to aankhen nam hoti hain.
Kya ajnabion ki jaan ki kimat apno se kam hoti hai?
Kya ajnabion ki jaan ki kimat apno se kam hoti hai?
Aur fir paani bharta gya, us ched se, us naav mein.
Ek aalsi dopahar me, ek budhe neem ki chaanv me.
Jo nakshe me bhi naa mile, us chote se gaanv me.