La gatta Cenerentola: Canzone della zingara (Arr. D. Sautter for Voice & Guitar)

Matalena, Matalena
Chi 'a vò vergine e chi prena
Uè, Matalena!

De 'sta furtuna scaveza
Oi femmene spontute
Chi vanta vire subbeto
'Stu fatto cummè gghiuto...
Uè, Matalena!

Ma dinta 'sta
Chianella sò sicura
'O rre vò cuntrullà chi l'ammesura
'A primma vò fà 'a prova
E 'o cunto nun le torna
E quanno nun và bbuono
Se sente prodere 'e corna...

Matalena, Matalena
Chi 'a vò vergine e chi prena
Uè, Matalena!

A te ca sì zitella
To dongo 'stu cunziglio
Ca pure si sò zengara
Sò stata mamma 'e figlie
Uè, Matalena!

'A femmena se chiamma semp' Ammore
E l'ommo è sempe sulo cacciatore
Tu ce sì figlia, sora, puttana o 'nnammurata
Ma quanno te marite sì 'a Maronna 'mmaculata

Matalena Matalena
Chi 'a vò vergine e chi prena
Uè, Matalena!

Pure 'a Maronna scauza perdette 'nu scarpino
E quanno ce 'o truvaieno
Teneva 'o figlio 'nzino
Uè, Matalena!

A chella bella mamma 'e Piererotta
Addò succede sempe 'o votta votta
Addò pe' devuzione succede 'o serra serra
E doppo nove mise se scatena n'ata guerra

Matalena, Matalena
Chi 'a vò vergine e chi prena
Uè, Matalena!

Ammore, ammore scauzo nun saie comme se chiamma
Ma po' comme se dice
"Ca 'a mamma è sempe 'a mamma"
Uè, Matalena!

L'uommene songo comme 'e piccerille
E vonno sempe 'mmocca 'nu zezzillo
Li femmene ca 'o sanno
Se l'assettano 'nzino
E tutto se fernesce a tarallucce e vino

Matalena, Matalena
Chi 'a vò vergine e chi prena
Uè, Matalena!
Uè, Matalena!

Matalena è ghiuta messa
L'hanno rotto 'a pettenessa
Uè, Matalena!
Uè, Matalena!

Matalena è ghiuta 'a festa
L'hanno fatto 'na menesta
Uè, Matalena!

Matalena pe' crianza
Tene sempe 'a panza annanze
Uè, Matalena!

Matalena 'nsuttanino
L'hanno fatta 'na mappina
Uè, Matalena!

Matalena è ghiuto 'o ballo
S'è abbuffato parapalle
Uè, Matalena!

Matalena, Matalena
Chi 'a vò vergine e chi prena
Uè, Matalena!

Matalena, Matalena
Chi 'a vò vergine e chi prena
Uè, Matalena!

Matalena, Matalena
Chi 'a vò vergine e chi prena
Uè, Matalena!