Dayang-dayang(Narigat Ti Napili)

No ni ayat ti kasapulam
Mangparagsak dayta riknam...
Idyam tay aginku-kuna, aginpa-pakipot
Aginpa-pangina, isabat-sabat ta rikna
Uray awan itsura na
No napintas ti gandat na
Mangilung-aw kenka kina agmaymaysa
Pi-ri-rit pip-pi-ri-rit
Pi-ri-rit pip-pi-ri-rit
Narigat ti agin-didi, narigat ti napili
Nangruna di ka matagtagari
Di mo sayangen ta bagim
Ta sika't maperdi
Laglagipem awan ti umuna a babawi
Ta no itan a kagan-ganusam
Ipakat mo ti kayat dayta riknam
Uray pobre no nabadang
Uray pugot no nanakman
Ti nagdilmaan ken saan
Saan la ket unay a bangbangutan
Pi-ri-rit pip-pi-ri-rit
Pi-ri-rit pip-pi-ri-rit
Narigat ti mabaakan, narigat ti maawanan
Arig mo't pataw nga agkatang-katang
Agayat ka itan, tapnon maramanam
Ragsak ti biag a nakaiparsua-am
No sika ta'y napili unay
Bagsak muno ti naka ay ay ay
Bukbukod monton liday
Ay adu a sesennaay
Sang-sangit mo kasta unay
Ti kinaawan katak-takunay-nay
Pi-ri-rit pip-pi-ri-rit
Pi-ri-rit pip-pi-ri-rit
Narigat ti agin-didi, narigat ti napili
Nangruna di ka matagtagari
Di mo sayangen ta bagim
Ta sika't maperdi
Laglagipem awan ti umuna a babawi
No ti kaya't mo a pagtungpalan
Ket tay baknang nga adu ti kwarta na
Adipen ka't bugtak gubsang
No di mo mapunta-puntaan
Ugali na ken kadawyan
Ay asi kan to pay nga agulla-ullang
Pi-ri-rit pip-pi-ri-rit
Pi-ri-rit pip-pi-ri-rit
Awan serbi't kinabaknang
No awan ayat a marikna
Laangam mon ton lusyang-lusyang
Lulluam madangan-dangan
Alis mo't agkakamakam
Patyem kunak ta di kan to mailawlaw-an
Uray sinno basta napudno
Mangipaay ragsak unay nga umno
Di laketdi manglukluko
Di laketdi nabisyo
Sho-o-tem latta awan adu a sao
Pi-ri-rit pip-pi-ri-rit
Pi-ri-rit pip-pi-ri-rit
Narigat ti agin-didi, narigat ti napili
Nangruna di ka matagtagari
Di mo sayangen ta bagim
Ta sika't maperdi
Laglagipem awan ti umuna a babawi
Di mo sayangen ta bagim
Ta sika't maperdi