Aghla Men Al Yaqout

[00:27.01] يوم ميلادك، يوم ما للدنيا أنت جيت
[00:29.44] أول علاقتي بيك صوتك، ما بيني وبينك حيط
[00:32.42] سمعت صوتك إستغربت، إتلخبطت، إتشديت
[00:35.37] قلبي إتنفض ما بين ضلوعي ومن الفرحة بكيت
[00:38.31] أول ما شوفتك، الدنيا لفت بيا
[00:41.16] ربى حبني ووهبلي من عنده هدية
[00:43.68] سرحت فيك ساعات، فيك مني كتير حاجات
[00:46.33] يا رب تاخد مني بس الحلو في الصفات
[00:49.49] وفـ وسط زحمة فرحتي فجأة هجم سكات
[00:51.06] مخلوط صور أبيض فـ أسود من اللي عيشته ومن اللي فات
[00:55.06] يمكن عشان الضلمة في طفولتي كانت أكتر من النور
[00:56.92] عيل صغير قال بسم الله وقام يعدي في بحور
[01:00.38] مش شايف شط أو مينا لآخر البصر، مفيش أمل
[01:03.37] كان نفسى فـ حد يعلمني وينصحني ويبقالي المثل
[01:06.09] ربك حماني وإتولاني برحمته، مفيش جدل
[01:09.41] بعد ما كل سكة إتسدت وإسودت والباب قفل
[01:11.60] يا رب يا كريم
[01:13.72] إهديني وقويني ووفقني لسكة تربيته على الشيء السليم
[01:18.49] عارف إني مش مثالي
[01:20.37] بس طمعان في كرمك، تخلي حاله أحسن من حالي
[01:23.72] وأنا أوعدك يا رب، هحاول أبقى أحسن أب
[01:26.73] وأديه اللي ما شوفته فـ نهر طفولتي اللي نضب
[01:28.13]
[01:39.56] كل يوم بيعدي وأشوفك فيه بتكبر
[01:42.40] بتفاجئ إن صفاتي بتظهر فيك أكتر وأكتر
[01:46.61] إبتسامتي وضحكتي والمشية وحتى تكشيرتي
[01:49.34] حتى نومتك رجل فوق رجل دي نسخة من نومتي
[01:52.00] قبل وجودك الدنيا مكانتش فارقة معايا
[01:54.94] قلبي ده كان خلاص قلب حجر دي مش كناية
[01:57.62] جلدي تخن من قسوة الدنيا ومر الحكاية
[02:00.47] بقيت زعلان على الشخص اللي شايفه في المراية
[02:03.51] لحد ما أنت جيت غيرتني وكنت الهداية
[02:06.84] فتحت بإيدك كل أبواب الرحمة جوايا
[02:09.02] لما بحضنك وأحس دقة قلبي جنب قلبك
[02:11.83] مية في المية محبتش في الدنيا قبلك
[02:15.31] لما بحضر أول مرة ليك فـ أي حاجة
[02:18.24] قلبي بيرفرف وأحس بألف حاجة وحاجة
[02:20.78] إحساس غريب، جزء مني إتحول إنسان
[02:22.90] بيزعل وبيفرح وبيزرع جوايا الحنان
[02:26.68] خايف عليك من الدنيا يابني، ملهاش أمان
[02:29.38] وبدعي ربنا يحميك ويصونك، هو الرحمن
[02:32.55] كتبت رسالة ليك عشان لو قدري وقته حان
[02:35.64] ومش مكتوبلي أكون جنبك لآخر الإمتحان
[02:38.39] عاوزك تكون صاحب عزيمة، فولاذ حديد
[02:41.24] مهما الدنيا تحبطك صمم، خليك عنيد
[02:43.11] خليك واثق في نفسك عن حلمك إياك تحيد
[02:46.99] مهما إسود الليل وطال هيطلع فجر جديد
[02:49.45] عاوزك لربك شاكر وجهد الناس تقدر
[02:52.23] وإوعى تظلم مهما كنت قادر ربك أقدر
[02:54.72] إوعى تفضح عيب إنسان لو ربك ستر
[02:58.04] كما تدين تدان، متضمنش القدر
[03:00.68] لو قولت كلمة حق والناس قامت عليك
[03:03.14] كإنهم قالولك مبروك، تسلم إيديك
[03:06.78] عشان الكلب الميت ضربه مش مطلوب
[03:08.84] لكن لو كان شجر مثمر بيتحدف بالطوب
[03:12.14] لو يوم ذنوبك تقلت إرجع لربك توب
[03:13.99] ربك لو حبك هيحبب فيك كل القلوب
[03:17.03]
[03:28.50] ساعات بسرح وبسأل نفسي والدماغ تفكر
[03:31.36] يا ترى هتبقى فعلاً ضهري لما أكبر؟
[03:35.24] لما العجز يبدأ ينهش فيا ويجور عليا
[03:38.32] فـ عز إحساسي بضعفي، هيكون قلبك عليا؟
[03:40.53] لما اللسان يتقل والكلام يصبح بطيء
[03:44.06] وأعيد نفس الكلام أكتر من مرة أرجوك تطيق
[03:46.35] ياما طلبت مني أعيد حكي الحدوتة كتير
[03:49.05] وفـ كل مرة كنت أعيدلك قلبي كان بيطير
[03:52.10] لما تلاقيني قدمت ومش مواكب عقل جيلك
[03:55.06] متركنيش لجهلي، علمني من غير ما أجيلك
[03:58.30] خليك عينيا، نورلي طريقي لمنتهاه
[04:01.19] وإفتكر إني من علمك معنى الحياة
[04:03.76] لما أبطل أقدر أمشي لوحدي خطوتين
[04:06.68] لما أكون أضعف من إني أقدر أشرب من غير معين
[04:09.57] لما تموت الذاكرة وبالعافية أعرف أنت مين
[04:11.92] وجودك جنبي كفاية لحد ما يجيني اليقين
[04:14.72] كلمتين هقولهم عندي أغلى من الياقوت
[04:18.17] كنت معاك يوم ولادتك، عاوزك جنبي يوم ما أموت
[04:21.06]